အားလုံးသော မိတ်ဆွေအပေါင်း မင်္ဂလာပါ.....
ကျွန်တော်တို့အားထားနေရတဲ့ Hive တဖြည်းဖြည်းချင်းတော့ ဈေးတက်နေပါတယ်။ အောက်ဆုံးကိုပြန်မရောက်အောင်လည်း ကြိုးစားနေပုံရပါတယ်။ ဒါက ကျွန်တော့်အမြင်သာဖြစ်လို့ မှန်ချင်မှလည်း မှန်မှာပေါ့။ ဘယ်လိုပင်ဆိုစေကာမူ ဈေးလေးနည်းနည်းတက်လာတော့လည်း ကျွန်တော်တို့ အားလေးနည်းနည်းပိုတက်လာတာတော့ အမှန်ပါပဲ။ ကျွန်တော့်မှာ Hive ဒါမှမဟုတ် Hive Power အများအပြားရှိတာ မဟုတ်ပေမယ့်လည်း ဝမ်းသာမိတာပါပဲ။ ဈေးလေးတက်မှလည်း Post တင်တာက ရမယ့်ဟာလေးတွေကလည်း ကြည့်ချင်စဖွယ်ရှိမှာပေါ့ 😁 နို့မို့ဆို ၅ ပြား ၁၀ ပြားတောင်မနည်းဟဲနေရတာလေ။
အခြားသော ကွိုင်တွေလည်း အလျိုလျိုနဲ့ ဈေးတက်ကြတာပါပဲ။ အခြားကွိုင်တွေလည်း ကိုင်ထားတာမျိုးမရှိတော့ ဝမ်းသာသလိုလို ဝမ်းနည်းသလိုလိုကြီးပဲ 😂 ဝမ်းသာရမှာလား ဝမ်းနည်းရမှာလား မိသိန်းကြည်ဆိုသလိုဖြစ်နေတော့တာပဲ။ ၂၀၂၃ က ၂၀၂၂ ထက်တော့ အရာရာမှာ အများကြီးကောင်းလာလိမ့်မယ်လို့တော့ မျှော်လင့်မိပါတယ်။ ၂၀၂၂ တုံးကတော့ မျှော်လင့်စရာ ဘာမှကိုမရှိသေးတာနဲ့စာရင် ၂၀၂၃ မှာ မျှော်လင့်စရာလေးတွေ ပေါ်လာတာကိုက အားတက်စရာတစ်ခုပေပဲ။
ကွိုင်တွေအကြောင်းကလည်း ဘာမှသေသေချာချာရေရေရာရာသိတာမဟုတ်လေတော့ သူများတွေလို ဟိုကွိုင် ဒီကွိုင်အကြောင်းလည်း မရေးနိုင်တော့ စာတစ်ပုဒ်ဖြစ်အောင်သာ ရေးလိုက်တာပဲဖြစ်လို့ သည်းခံကြပါလို့ 😁 အဲ-ကျန်တဲ့ ကွိုင်တွေမရှိပေမယ့်လည်း Hive ကပေးထားတဲ့ ဟိုကွိုင် ဒီကွိုင်တွေကတော့ ရှိသင့်သလောက်လေးတွေရှိပါတယ်။ ဝယ်ထားတာကတော့ နည်းနည်းပဲ။ အလကားရထားတာတွေက များတာပါ 😁 အဲဒီ Hive Engine Token တွေထဲမှာလည်း ဈေးကြီးတဲ့ တိုကင်တွေရှိနေသေးတာတွေ့ရတာ အံ့ဩနေမိတယ်။ ထင်မှထင်မထားပဲကိုး။
AWESOME တို့ BRO ဆိုတာတွေရဲ့ ဈေးနှုန်းကို ကြည့်ပြီး တကယ်ကိုအံ့ဩမိပါတယ်။ ကျွန်တော်တို့ရဲ့ ဇာတ်လိုက်ကျော် Hive က ဈေးဘာမှမဟုတ်ပေမယ့် အဲဒီ တိုကင်တွေရဲ့ဈေးက တကယ်ကို အံ့ဩဖွယ်ရာပါပဲ။ ပုံထဲမှာသာ ကြည့်လိုက်ကြပါ။ မင်းသားကြီး Hive ကအိုက်တင်တွေခံနေပြီး တက်မလိုလို ကျမလိုလိုနဲ့ ဖြစ်နေတယ်။ ကမှာဆိုရင်လည်း မြန်မြန်သာကပါတော့ မင်းသားကြီး Hive ရယ် 😂 မနေ့က AWESOME နဲ့ BRO တိုကင်တွေရဲ့ အရောင်းအဝယ်ဖြစ်နေတဲ့ဈေးက 10 Hive(4.6 $)အထက်ကိုကျော်နေတာတွေ့ရတော့ ဘယ်လိုလုပ်မအံ့ဩပဲနေနိုင်လိမ့်မလဲဗျာ။ ဈေးအတက်အဆင်းကလည်း ကြမ်းပုံပါပဲ။ ကဲ-ဒီနေ့တော့ ဒီလောက်နဲ့ပဲတော်သင့်ပါပြီလေ 😂
သတ္တဝါအားလုံးတို့သည် မိမိပြုသော ကောင်းမှု မကောင်းမှုသည်သာ ကိုယ်ပိုင်ဥစ္စာ ရှိကြကုန်၏။
အားလုံးကို လေးစားလျှက် -
